သိပ္ပံပညာရှင်ကြီးဖြစ်ချင်တယ်

ကားလ်စေဂန်ဟာ နေအဖွဲ့အစည်းအပြင်ဘက်ကို ပထမဆုံး မောင်းနှင်တဲ့ Voyager 1 ရဲ့ စီစဉ်သူတွေထဲမှာ တစ်ဦးအပါအဝင်ဖြစ်ပါတယ်။ Voyager 1 ယာဉ်ဟာ စေတန်ဂြိုဟ်နားကို အရောက်မှာ ကားလ်စေဂန် က အကြံညဏ်တစ်ခုရခဲ့ပါတယ်။ နောက်ဆုံးအကြိမ်အနေနဲ့ မိမိရဲ့ အိမ်ကို ပြန်ကြည့်စေဖို့ပါပဲ။ ဒါ့ကြောင့် ကမ္ဘာပေါ်က ထိန်းချုပ်စခန်းကနေပြီးတော့ Voyager 1 ရဲ့ ကင်မရာလေးကို အနောက်ပြန်လှည့်ပြီး ကမ္ဘာမြေကြီးကို ဓာတ်ပုံတစ်ပုံလောက် ရိုက်စေခဲ့ပါတယ်။ အောက်ပါစကားတွေကတော့ ဒီပုံကို ကြည့်ပြီးတော့ ကားလ်စေဂန် ပြောခဲ့တဲ့ စကားတွေပါ။ ကျွန်တော်တို့ဟာ စကြဝဠာထဲမှာ အစက်ကလေးတစ်စက်သာ ရှိပါလား။

Pale Blue Dot

“အခုလိုအရမ်းဝေးတဲ့နေရာက ကြည့်လိုက်ရင် ကမ္ဘာဆိုတာ အရမ်းကိုသေးတယ်။ မှိန်ပြပြအပြာရောင် အစက်ကလေးတစ်စက်ထက် မပိုပါဘူး။ ဒါပေမယ့် ကျွန်တော်တို့အတွက်တော့ အဲ့လိုမဟုတ်ဘူး။ ကွဲပြားတယ်။ ဒီအစက်ကလေးကို ထပ်ကြည့်လိုက်ပါ။ အဲ့ဒီမှာ ကျွန်တော်တို့ရှိတယ်။ အဲ့ဒါ ကျွန်တော်တို့အိပ်ပဲ။ အဲ့ဒါကျွန်တော်တို့ပဲ။ အဲ့ဒီအပေါ်မှာ…… သင်သိသမျှလူတွေ၊ သင်ချစ်သမျှလူတွေ၊ သင်ကြားဖူးသမျှလူတွေ၊ အကုန်လုံးနေထိုင်နေကြတယ်။ ကျွန်တော်တို့ရဲ့ ပျော်ရွှင်မှုနဲ့ စိတ်ခံစားမှုတွေ၊ ထောင်ပေါင်းများစွာသော ကိုးကွယ်ယုံကြည်မှုတွေနဲ့ ဘာသာတရားတွေ၊ အားလုံးသော မုဆိုးနဲ့သားကောင်တွေ၊ အားလုံးသော သူရဲကောင်းတွေနဲ့ သူရဲဘောကြောင်သူတွေ၊ လူ့အဖွဲ့အစည်းတစ်ခုကို တည်ထောင်သူတွေနဲ့ ဖျက်စီးသူတွေ၊ အားလုံးသော ဘုရင်နဲ့ ပြည်သူတွေ၊ အားလုံးသော ငယ်ရွယ်တဲ့ ချစ်သူစုံတွဲတွေ၊ မိဘတွေ၊ မျှော်လင့်ချက်အပြည့်နဲ့ ကလေးငယ်လေးတွေ၊ တီထွင်သူတွေနဲ့ ရှာဖွေသူတွေ၊ ရှေ့ဆောင်လမ်းပြသူတွေ၊ နိုင်ငံရေးသမားတွေ၊ ထင်ပေါ်ကျော်ကြားသူတွေ၊ အာဏာရှင်တွေ၊ နဲ့ လူသမိုင်းတစ်လျှောက်ဖြစ်ဖြစ်သမျှသော လူကောင်းတွေနဲ့ လူဆိုးတွေဟာ ဟောဒီ စကြ၀ဠာကြီးထဲက သာမန်ကြယ်တစ်လုံးကို လှည့်ပတ်နေတဲ့ အပြာရောင် အစက်ကလေးပေါ်မှာ နေထိုင်ကြတယ်။

ကမ္ဘာဆိုတာဟာ တကယ်ကျယ်ပြောလှတဲ့ စကြ၀ဠာထဲက အရမ်းကိုသေးငယ်လှတဲ့ ဂြိုဟ်လေးတစ်လုံးပါ။ သင်စဉ်းစားကြည့်ပါ။ အာဏာရှင်တွေနဲ့ စစ်ဗိုလ်ချုပ်တွေ၊ သူတို့ကြောင့်ကျခဲ့ရတဲ့ သွေးတွေ၊ သူတို့ဟာ သူတို့ထင်တဲ့အတိုင်း အပိုင်စားရသူတွေ အုပ်စိုးသူတွေတော့ ဖြစ်နိုင်ပါလိမ့်မယ်။ ဟော့ဒီ အစက်ကလေးရဲ့ တစ်စိတ်တစ်ပိုင်းကိုပေါ့။ ဟောဒီအစက်ကလေးရဲ့ တစ်စိတ်တစ်နေရာကနေ အခြားတစ်နေရာကိုသွားပြီး နယ်မြေတွေလုတယ်၊ စစ်တွေတိုက်တယ်။ သူတို့ရဲ့ သဘောထားကွဲလွဲမှုတွေ၊ နားလည်မှုလွဲတွေ၊ တစ်ဦးပေါ်တစ်ဦး သတ်ချင်နေတဲ့စိတ်တွေ။

ကျွန်တော်တို့ရဲ့ ကိုယ့်ကိုယ်ကို အသားပေးမှုတွေ၊ ဟန်ကြီးပန်ကြီးနေမှုတွေ၊ စိတ်ကူးယဉ်ကိုယ့်ကိုယ်ကို အထင်ကြီးမှုတွေ၊ စကြ၀ဠာထဲမှာ အရမ်းကိုအရေးပါလှပြီဆိုတဲ့ ထင်ယောင်ထင်မှားဖြစ်မှုတွေ၊ ဒါတွေအားလုံး ဟောဒီအစက်ကလေးပေါ်မှာ အချင်းချင်း စိန်ခေါ်နေကြတယ်။ ကျွန်တော်တို့ရဲ့ ဂြိုဟ်လေးဟာ ကြီးကျယ်နက်နဲ့လှတဲ့ စကြ၀ဠာကြီးထဲမှာ အထီးကျန်လှပါတယ်။ ကမ္ဘာဂြိုဟ်လေးဟာ ထိခိုက်လွယ်တယ်။ ဒီလို ကျယ်ဝန်းလှတဲ့ ဟင်းလင်းပြင်ကြီးထဲမှာ ကျွန်တော်တို့ကို ကျွန်တော်တို့ရန်က ကယ်တင်ပေးဖို့ အခြားတစ်နေရာက ဘယ်သူ့ကို မျှော်လင့်ရမှာလဲ။

ကမ္ဘာဆိုတာ လက်ရှိသိထားသမျှထဲမှာတော့ သက်ရှိတွေအတွက် အပြည့်အ၀ထောက်ပံ့ပေးနိုင်တဲ့ တစ်ခုတည်းသော ဂြိုဟ်ပါပဲ။ သူတို့ စကြ၀ဠာအတွင်း ရှာနေကြတယ်။ သိပ်မဝေးတော့တဲ့အနာဂတ်မှာ ကျွန်တော်တို့အတွက် နေထိုင်ရန် အဆင်ပြေသွားတဲ့ တစ်နေရာကို တွေ့ရှိသွားပြီပဲထားဦး။ သွားလည်မလား။ ရပါတယ်။ အခြေချနေထိုင်ဖို့လား။ မသေချာပါ။ ဘယ်လိုပဲဖြစ်ဖြစ်။ ကမ္ဘာဂြိုဟ်လေးကသာ ကျွန်တော်တို့ အခြေစပြုရာနေရာလေး။ အမေ့အိမ်လောက် ဘယ်အိမ်က သာယာပါ့မလဲ။

နက္ခတာယာသိပ္ပံပညာဟာ ကျွန်တော်တို့ရဲ့ အထင်ကြီးအရေးပါမှုတွေကို လျှော့ချပေးပြီး စဉ်းစားတတ်ရင် လူတစ်ယောက်ကို ယဉ်ကျေးသွားအောင် သင်ပေးလိုက်သလိုပါပဲ။ ကျွန်တော့်အတွက်တော့ ဟောဒီဓာတ်ပုံလေးက ပေးလိုက်တဲ့ စဉ်းစားစရာတွေဟာ တောင်လိုပုံနေပါတယ်။ ဟောဒီ ဓာတ်ပုံလေးလောက် ဘယ်အရာကမှ ကျွန်တော်တို့အခြေအနေကို ရှင်းအောင် အသိတရားမပေးဖူးသေးပါဘူး။ ဒိုင်နိုဆောတွေ ကမ္ဘာပေါ်မှာ နှစ်ပေါင်း သန်း ၂၀၀ ကျော်လမ်းလျှောက်ခဲ့တယ်။ ကျွန်တော်တို့လို ခေတ်လူသားတွေစတင်ဖြစ်တည်တာ နှစ် ၅ သိန်းမပြည့်သေးပါဘူး။ ဘယ်အချိန် ကျွန်တော်တို့လဲ သူတို့လို နိဂုန်းချုပ်သွားမလဲ။ ကျွန်တော်တို့ရဲ့ အဓိက တာဝန်ဟာ လူမျိုးစုတစ်စု၊ သို့မဟုတ် ဘာသာတရားတစ်ခုကို ပဲ ထိန်းသိမ်းဖို့မဟုတ်ပါဘူး။ လူသားမျိုးနွယ်စုကြီးတစ်ခုလုံးနဲ့ ကမ္ဘာဂြိုဟ်လေးကို ထိန်သိမ်းဖို့ပါပဲဟောဒီ အပြာရောင် အစက်ကလေး။ ကျွန်တော်တို့အတွက် တစ်ခုတည်းသော မိခင်မြေ။”

ကြည့်ပါဦး။ဒီလိုစကြ၀ဠာထဲက အရမ်းသေးငယ် လှတဲ့ အစက်ကလေးပေါ်မှာ     နေထိုင်ကြတဲ့ ကျွန်တော်တို့ လူသားတွေ။ ကျွန်တော်တို့ ဘယ်လိုလုပ်ပြီးများ စကြ၀ဠာကြီးအကြောင်းကို လေ့လာနိုင်နေကြတာလဲ။ ဘယ်လိုလုပ်များ ကြယ်စင်စုကြီးတွေကြားကို ကျွန်တော်တို့ ပြုလုပ်ထားတဲ့ အာကာသယာဉ်ငယ်လေးတွေ ပို့နိုင်နေကြတာလဲ။

ဒါတွေအကုန်လုံးဟာ လွန်ခဲ့တဲ့ရာစုနှစ်အနည်း ငယ် အတွင်းမှာပဲဖြစ်ပျက်လာခဲ့တာပါ။တစ် ဟုန်ထိုးဆိုသလို လူသားတွေဟာ စကြ၀ဠာကြီး ထဲကို ခြေဆန့်လာခဲ့ကြတာပါ။ အဲ့ဒီမတိုင်ခင်

အထိ ကျွန်တော်တို့ဟာ စကြ၀ဠာကြီးရဲ့ ဘယ်မှာ၊ ဘယ်အချိန်မှာ ရှိနေတယ်ဆိုတာကို စိုးစွန်းမှ မသိသေးပါဘူး။  သေးငယ်လှတဲ့ စကြ၀ဠာ

လေး။ ကမ္ဘာဗဟိုပြုစကြ၀ဠာလေး။ ဒီစကြ၀ဠာအကျဉ်းခန်းငယ်လေးထဲကနေ ကျွန်တော်တို့ ဘယ်လို လွတ်မြောက် လာပါသလဲ။ ဒါဟာ ခေတ်အဆက်ဆက်ရဲ့ ရှာဖွေသူတွေ၊ လေ့လာသူတွေ၊ စူးစမ်းသူတွေရဲ့ ကြိုးစားအား ထုတ်မှုတွေကြောင့်ပါ။ သူတို့ကို နာမ်စားတစ်ခုနဲ့ ခေါ်နိုင်တယ်။ သိပ္ပံပညာရှင်များ။ သူတို့ရဲ့ ရင်ဘက်ထဲ အသည်းနှလုံးထဲမှာ အလွန်ရိုးရှင်းတဲ့ အခြေခံစည်းမျဉ်း ၅ ခုရှိပါတယ်။

၁ ။ အကြီးအကဲများကို မေးခွန်းထုတ်ပါ။
(တစ်စုံတစ်ယောက်က ပြောလိုက်ရုံနဲ့ အဲ့ဒီအချက်ဟာ မမှန်နိုင်ပါဘူး။ ဘုရားအပါအ၀င်ပေါ့။)

၂ ။ မိမိကိုယ်တိုင် စဉ်းစားပါ။

၃ ။ မိမိကိုယ်ကို မေးခွန်းထုတ်ပါ။
(ခင်ဗျားစိတ်ကျေနပ်တာနဲ့ပဲ အဲ့ဒီအချက်တစ်ချက်ကို မှန်ပြီလို့ မယုံလိုက်ပါနဲ့။ ခင်ဗျားရဲ့ ယုံကြည်မှုဟာ         အမှန်မဟုတ်ပါဘူး။)

၎ ။ လက်တွေ့စမ်းသပ်မှု၊ လေ့လာတွေ့ရှိမှုတွေကရတဲ့ သက်သေတွေက တစ်ဆင့် စဉ်းစားဆင်ခြင်ပါ။
(တစ်ကယ်လို့ ကိုယ်အနှစ်သက်ဆုံးဖြစ်နေတဲ့ အချက်ဟာ စမ်းသပ်ချက်တစ်ခုမှာ

မှားယွင်းသွားသလား။      ဒါဆို အဲ့ဒီအချက်ကို လက်လွှတ်လိုက်ပါတော့။ သက်သေတစ်ခုက ခေါ်ဆောင်သွားတဲ့ နေရာမှန်သမျှကို      လိုက်သွားပါ။)

အားလုံးထဲက အရေးအကြီးဆုံး အချက်ကတော့

၅ ။ စိတ်ထဲမှာ မှတ်ထားပါ။ သင်ဟာမှားနေနိုင်တယ်ဆိုတာ။

dara brian copyအတော်ဆုံး၊ အကြီးကျယ်ဆုံး သိပ္ပံပညာရှင်တွေ။ နယူတန်၊ အိုင်းစတိုင်း၊ ဖာရာဒေး၊ တက်စ်လာ၊ အခြား သမိုင်းတစ်လျှောက် သိပ္ပံပညာရှင်တွေ အကုန်လုံး။ သူတို့အားလုံးဟာလဲ တစ်စုတစ်ခုမှာတော့ မှားခဲ့ကြ တယ်။ အမှားတွေ လုပ်ခဲ့ကြတယ်။ ဟုတ်ပါတယ်။ သူတို့ဟာ ပုထုစဉ်လူသားတွေလေ။

တကယ်တော့ သိပ္ပံပညာဆိုတာ ကျွန်တော်တို့နဲ့ သဘာဝကြီးအကြား နားလည်မှုတွေမလွဲအောင်

ချိတ်ဆက် ပေးထားတဲ့ ပေါင်းကူးတံတားပါပဲ။ စကြ၀ဠာကြီးဟာ မှောင်မိုက်နေတယ်။ အစက်က လေးအချို့က ဟိုတစ်ကွက်ဒီတစ်ကွက်နဲ့။ကြယ်တွေ ရဲ့အကွာအဝေးတွေကိုတိုင်းတာ၊ ကမ္ဘာကြီးရဲ့ သက်တမ်းကိုတွက်ချက်တာ၊သက်ရှိတွေ ဘယ်လိုစ ဖြစ်သလဲ စူးစမ်းတာ။ ဒါတွေလုပ်လိုက်တော့ကော ဘာတွေထူးသွား သလဲ။ ကောင်းပြီ။ ဒီအချက်ဟာ ခင်ဗျားနေချင်စိတ်ရှိတဲ့စကြ၀ဠာရဲ့ အရွယ်အစား အပေါ်မှာ မူတည်လိမ့်မယ်။ အချို့ဟာ စကြ၀ဠာ သေးသေးလေးထဲမှာပဲ နေချင်ကြတယ်။ အဆင်ပြေ ပါတယ်။ နားလည်ပေးလို့ရပါတယ်။ ကျွန်တော်ကတော့ အကြီးကြီးထဲမှာ နေချင်တယ်ဗျာ။ ကျွန်တော် ဒီအချက်ကိုစိတ်ထဲအသည်းနှလုံးထဲသွင်းလိုက်တဲ့အချိန်မှာများဆိုရင်လေ….ကျွန်တော်ဟာ လေထဲကို မြောက်နေသလိုပါပဲ။ ကျွန်တော်ဒီလို ခံစားမိတိုင်း ကိုယ့်ကိုယ်ကို ပြန်မေးမိပါတယ်။ ဒါဟာ တစ်ကယ်ဖြစ် နေတာလား။ ကျွန်တော့်ခေါင်းထဲမှာပဲဖြစ်နေတာလား။ ထားပါတော့။ တစ်ကယ်အရေးပါတာကတော့ အမှန်တရားပါ။ ကျွန်တော်တို့ရဲ့ စိတ်ကူး စိတ်သန်းတွေဟာ သဘာဝတရားကြီးရဲ့ ဆန်းကြယ်မှုတွေနဲ့ ယှဉ်လိုက်ရင် ပမွှား လေးပါ။

မျက်စိ၊ နား၊ စဉ်းစားတတ်တဲ့ဦးနှောက် စတဲ့အရာတွေပိုင်ဆိုင်တဲ့ ကျွန်တော်တို့လူသားတွေဟာ ခေတ်အဆက်ဆက် အတိတ်ကိုပြန်လည်တွေးတော့ စဉ်းစားတတ်တဲ့အကျင့်ရှိပါတယ်။ ကျွန်တော်တို့ဘယ်ကစဖြစ်လာသလဲ၊ ကျွန်တော်တို့ဘယ်ကလာသလဲ စသဖြင့် ပဟေဋိများစွာကို မေးလေ့ရှိပါတယ်။ ကြယ်တွေဆိုတာကကော ဘာတွေလဲ။ ကြယ်တွေကိုဘာတွေနဲ့ပြုလုပ်ထားသလဲ။ အားလုံးထင်သလို ကြယ်တွေဆိုတာ မီးလုံးကြီးတစ်လုံးသက်သက်ပဲလား။ သူက အပူပေးတဲ့အပြင် အခြားဘာတွေလုပ်ပေးနိုင်သေးလဲ။ ဟုတ်ပါတယ်။ ကျွန်တော်တို့လူသားတွေဆိုတာ အရမ်းကို စိတ်ဝင်စားဖို့ကောင်းတဲ့ ရုပ်နာမ်တွေပါပဲ။ ကျွန်တော်တို့မှာ အရမ်းလှပတဲ့ စိတ်ကူးစိတ်သမ်းတွေရှိတယ်။ အိပ်မက်တွေရှိတယ်။ အဲ့ဒီလိုပဲ အရမ်းအရုပ်ဆိုးအကျည်းတန်တဲ့ စိတ်ကူးတွေ၊ အိပ်မက်တွေကိုလဲ ပိုင်ဆိုင်ကြပါတယ်။ ကျွန်တော်၊ ခင်ဗျား၊ နဲ့ ကျန်တဲ့ကမ္ဘာပေါ်က သက်ရှိတွေအားလုံးဟာ တကယ်တော့ အရမ်းကိုအနှိုင်းမဲ့ပါတယ်။ ကျယ်ပြောလှတဲ့စကြ၀ဠာကြီးထဲက သာမန်ကြယ်တစ်လုံးကိုလှည့်ပတ်နေတဲ့ ဂြိုဟ်သေးသေးလေးတစ်လုံးပေါ်မှာ အတူတူလာပြီး ဖြစ်တည်နေကြတယ်။ ကျွန်တော်တို့ဟာ စကြ၀ဠာထဲက အပြာရောင်အစက်ကလေးပေါ်မှာ အတူတူတည်ရှိနေတာပါ။ ကျွန်တော်စိတ်ကူးယဉ်လွန်းတယ်ပဲပြောပြောဗျာ။ ကျွန်တော်တို့အားလုံး ဒီအချက်ကို စိတ်ထဲမှာ နှလုံးသွင်းထားနိုင်မယ်ဆိုရင်၊ ကမ္ဘာဂြိုဟ်နဲ့ သဘာဝတရားကြီးကို စိတ်ဝင်စားပြီးမြတ်နိုးကြမယ်ဆိုရင်၊ ကျွန်တော်တို့ဟာ အခုလိုဖြစ်တည်ရာမျိုးဆက်တစ်လျှောက်မှာ အများကြီးကောင်းကျိုးပေးနိုင်တဲ့ အဆက်ကလေးတစ်ခုဖြစ်နိုင်ပါလိမ့်မယ်။ နောက်မျိုးဆက်တွေအတွက် အရမ်းကို အကျိုးပြုပေးတဲ့ ကွင်းဆက်လေးတစ်ခုအဖြစ် သူတို့မှတ်ယူပေးကြပါလိမ့်မယ်။ ပြီးတော့ သူတို့ဟာ ကျွန်တော်တို့ရဲ့ ရှာဖွေမှုတွေကိုဆက်လက်ပြုလုပ်ပေးပြီး ကျွန်တော်တို့ကျွန်တော်တို့ရှေ့က ရှာဖွေစူးစမ်းသူတွေကိုမြင်သလိုမျိုး သူတို့လဲကျွန်တော်တို့ကိုနောင်တစ်ချိန်မှာ မြင်လာပါလိမ့်မယ်။ စတီဗင်ဟော့ကင်းပြောသလိုပါပဲ။ ဂြိုဟ်သေးသေးလေးပေါ်က အဆင့်မြင့်မျောက်မျိုးနွယ်စုတစ်စုပဲဖြစ်တဲ့ ကျွန်တော်တို့ဟာ စကြ၀ဠာကြီးအကြောင်းကိုစူးစမ်းလေ့လာနေကြပါပြီ။ ဒီအချက်ဟာ ဘယ်လောက်အားရဖို့ကောင်းလိုက်သလဲ။ အခုချိန်ထိ စိတ်ကူးတောင်မယဉ်ဖူးသေးအောင် ဆန်းကြယ်လှတဲ့စကြ၀ဠာကြီးအကြောင်းကို ဆက်လက်ရှာဖွေ စူးစမ်းကြမယ်လေ။

ကျွန်တော် အဲ့ဒီမှောင်မိုက်နေတဲ့ နေရာတွေမှာ ဘာတွေရှိလဲ သိချင်တယ်။ Big Bang မတိုင်ခင် ဘာတွေ   ဖြစ်ခဲ့လဲ သိချင်တယ်။ စကြ၀ဠာကြီးရဲ့ အစွန်းတစ်ဖက်မှာ ဘာတွေရှိလဲ သိချင်တယ်။ သက်ရှိတွေ ဘယ်လို စဖြစ်ခဲ့လဲ သိချင်တယ်။ စကြ၀ဠာကြီးရဲ့ အခြားတစ်နေရာမှာ ကျွန်တော်တို့လို သက်ရှိတွေ ရှိသေးသလား သိချင်တယ်။ ရှိရင်လဲ မြင်ဖူးချင်တယ်။ ကျွန်တော်တို့လူသားတွေရဲ့ ဘိုးဘေးဘီဘင်တွေကို သိချင်တယ်။ သူတို့အကုန်လုံးကို သိချင်တယ်။ ကျွန်တော် ဒီမျိုးဆက်တွေရဲ့ ကြားမှာ ကောင်းကျိုးပေးတဲ့ ခိုင်မာတဲ့ အချိတ် အဆက်လေးတစ်ခုဖြစ်ချင်တယ်။ ကျွန်တော် နောင်လာမယ့် မျိုးဆက်လေးတွေကို ကာကွယ်ပေးချင်တယ်။ ကောင်းကျိုးပေးချင်တယ်။

ကျွန်တော်……. သိပ္ပံပညာရှင်ကြီးဖြစ်ချင်တယ်။

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s