ယုတ္တိအမှားများ ၁

ယုတ္တိအမှားဆိုသည်မှာ ယုတ္တိဗေဒတွင် သို့မဟုတ် လူအများ ငြင်းခုံရာတွင် ကျိုးကြောင်းဆီလျော်စွာ ဆင်ခြင်သုံးသပ်ရာတွင် အမှားများ၊ အလွဲများဖြစ်ပေါ်ခြင်းကို ဆိုလိုသည်။ အခြားသူများ၏ အငြင်းအခုံတွင် ယုတ္တိအမှားများကို ရှာဖွေခြင်း သို့မဟုတ် မိမိ၏ အငြင်းအခုံတွင် ယုတ္တိအမှားများ ကို ရှောင်ရှားခြင်းသည် အကျိုးသင့်အကြောင်းသင့် ငြင်းခုံဆွေးနွေးလိုသည့် လူ့အဖွဲ့အစည်း အတွက် အလွန်တရာ အရေးပါလှသည်။ ယုတ္တိအမှားများကို မမြင်မိပါက ငြင်းခုံဆွေးနွေးရာတွင် အမှန်တရားနှင့် ဝေးကွာပြီး ကျိုးကြောင်းဆီလျော်မှု ကင်းသွားမည်ဖြစ်သည်။ ထိုသို့ ယုတ္တိအမှားများ ထဲမှ ထပ်ခါတလဲလဲ လူအများကျူးလွန်တတ်ကြသည့် ယုတ္တိအမှားများ ကို အောက်တွင်   ဖော်ပြလိုက်ပါသည်။

strawman.png

စာခြောက်ရုပ် (Straw Man)

အခြားသူတစ်ဦးငြင်းခုံသည့် အဓိပ္ပါယ်ကိုလွဲချော်ကောက်၍ တိုက်ခိုက်ရ လွယ်ကူအောင် လုပ်ခြင်း

ဤ့ပုံစံတွင် (စာခြောက်ရုပ်တစ်ခုကို လူစားထိုး၍ ထည့်လိုက်သလို) အခြားသူတစ်ဦးဆိုလိုချင်သည့် အကြောင်းအရာအစား ဆင်တူအချက်တစ်ခုနှင့် အစားထိုးလိုက်ပြီး တိုက်ခိုက်ဝေဖန်ခြင်းဖြစ်သည်။ အခြားသူတစ်ဦး၏ အငြင်းအခုံ၊ ဆိုလိုသည့်အဓိပ္ပါယ်ကို ချဲ့ကားခြင်း၊ အဓိပ္ပါယ်လွဲချော်၍   ကောက်ယူခြင်းဖြင့် မိမိ ငြင်းဆန်လိုသည့် အကြောင်းအရာကို ကျိုးကြောင်းဆီလျော်သည် ဟု ပြသရန် လွယ်ကူသွားသည်။ ဤသို့ လုပ်ခြင်းကြောင့် မှန်ကန်ပြီး ကျိုးကြောင်းဆက်စပ်နိုင်မှု   ပျောက်ဆုံးသွားသည်။

ဥပမာ

ဦးကကြီးသည် ကျန်းမာရေးနှင့် ပညာရေးတွင် တိုင်းပြည်ဘဏ္ဍာငွေများကို ပိုမိုသုံးစွဲသင့်ကြောင်း ပြောသည်။ ထိုအခါ ဦးခခွေးက ဦးကကြီးမှ စစ်ဘက်အသုံးစရိတ်များ ကို လျှော့ချအောင်လုပ်နေသည်။ တိုင်းတပါးမှ ရန်စကျူးကျော်လာပါက ခုခံကာကွယ်ရန် အင်အားနည်းအောင် လုပ်နေသည်ဟု ဝေဖန်ပြောကြားသည်။

(ကျန်းမာရေးနှင့် ပညာရေးတွင် ဘဏ္ဍာငွေများ ပိုမိုသုံးစွဲသင့်ကြောင်းတိုက်တွန်းခြင်းသည် စစ်ဘက်အသုံးစရိတ်များကို လျှော့ချခိုင်းသည်ဟု တိုက်ရိုက် အဓိပ္ပါယ်မသက်ရောက်ပါ။ တစ်ဖက်ငြင်းဆန်သူ ဦးခခွေးမှ ထိုသို့ လွှဲပြောင်းပြောလိုက်ခြင်းဖြင့် မိမိဘက်အသာရအောင် တမင်သက်သက် လုပ်ယူခြင်းဖြစ်ပါသည်။)

 

false cause.png

မှားယွင်းသော အကြောင်း (False Cause)

အရာနှစ်ခုကြားတွင် အမှန်တစ်ကယ် ဆက်စပ်မှုရှိသည် သို့မဟုတ် ဆက်စပ်မှုရှိသည်ဟု ထင်မြင်ခြင်းကြောင့် အရာတစ်ခုသည် အခြားအရာတစ်ခု၏ အကြောင်းဖြစ်သည်ဟု ယူဆခြင်း

လူအများစုသည် ဆက်စပ်မှုရှိခြင်း (correlation) နှင့် အကြောင်းအကျိုးဖြစ်ခြင်း (causation) ကို ရောထွေးလေ့ရှိကြသည်။ အရာဝတ္ထုနှစ်ခုအကြား ဆက်စပ်မှုရှိယုံဖြင့် တစ်ခုသည် အကြောင်းဖြစ်ပြီး အခြားတစ်ခုသည် အကျိုးဖြစ်သည်ဟု တပ်အပ်မပြောနိုင်ပါ။ ဆက်စပ်မှုရှိခြင်းသည် တိုက်ဆိုင်မှုသာဖြစ်နိုင်သည် သို့မဟုတ် ဘုံအကြောင်းတစ်ခု ရှိနိုင်သည်။

ဥပမာ

နေရာတစ်နေတွင် မီးလောင်သောအခါ မီးသတ်ကားအစီးရေ အများအပြားကို လွှတ်၍ ငြိမ်းသတ်ခိုင်းသည်။ ထိုနေရာတွင် လောင်သော မီးသည် အိမ်အများအပြားကိုလောင်ကျွမ်း၍ အပျက်အစီး အဆုံးအရှုံးမြောက်များစွာ ဖြစ်ပေါ်စေခဲ့သည်။ ထိုအခါ မီးလောင်သောအခါ မီးသတ်ကားအစီးရေ အနည်းငယ်ကိုသာ လွှတ်ပါက အပျက်အစီးနည်းမည်ဟု ဦးကျော်မှ သုံးသပ်သည်။

(မီးသတ်ကားအရေအတွက်သည် ပျက်စီးဆုံးရှုံးမှု၏ အကြောင်းမဟုတ်ပါ။ မီးအင်အား ကြီးမားသောကြောင့်သာ မီးသတ်ကားအများအပြားကိုလွှတ်၍ ငြှိမ်းသတ်ရခြင်းဖြစ်ပါသည်။ မီးသတ်ကားအစီးရေ လျှော့လွှတ်ပါက ထိုယူဆချက်နှင့်ပြောင်းပြန် အပျက်အစီး ပိုမို၍ ကြီးမားသွားပါလိမ့်မည်။)

 

appeal to emtotion.png

စိတ်ခံစားမှုဘက်သို့ပါအောင် ဆွဲဆောင်ခြင်း (Appeal to Emotion)

တိကျပြီး အားကောင်းသည့် အငြင်းအခုံကို ရေးသားပြောဆိုခြင်းမရှိဘဲ စိတ်ခံစားမှုပိုင်းကို ထိန်းချုပ်ရန် ကြိုးပမ်းခြင်း

ကြောက်ရွံစေရန်၊ မနာလိုဖြစ်စေရန်၊ မုန်းတီးစေရန်၊ သနားစေရန်၊ ဂုဏ်ယူစေရန်စသည့် စိတ်ခံစားမှုမျိုးစုံဘက်သို့ ပါစေရန် အသုံးပြုသည်။ တစ်ခါတစ်ရံတွင် ယုတ္တိဗေဒအရ ဆီလျော်ညီညွတ်သည့် အငြင်းအခုံကြောင့် ပျော်ရွှင်ခြင်း၊ ဒေါသထွက်ခြင်း၊ ဝမ်းနည်းခြင်းသည့် စိတ်ခံစားမှုများဖြစ်ပေါ်နိုင်သည်။ သို့သော် ယုတ္တိကျသော အငြင်းအခုံ အစား စိတ်ခံစားမှုကိုအသုံးပြုသည့်အခါ ယုတ္တိအမှားဖြစ်သည်။ လူအားလုံးနီးပါးသည် စိတ်ထိခိုက်ခံစားနိုင်သောကြောင့် စိတ်ခံစားမှုဘက်သို့ပါအောင် ဆွဲဆောင်ခြင်းသည် တွေ့ရများ၍ ထိရောက်သော ငြင်းခုံသည့် နည်းလမ်းဖြစ်သော်လည်း ကျိုးကြောင်းဆီလျော်သော ငြင်းခုံမှု ပုံစံမဟုတ်ပါ။

ဥပမာ

လောကတွင် အမှန်တရားနှင့် အမှားရှိကိုရှိရမည်။ မရှိပါက ကလေးများကို မိမိပျော်ရွှင်မှုအတွက် နှိပ်စက်ခြင်းသည် မှန်သည်ဟု သင်ပြောနိုင်ပါသလား။

(ကျိုးကြောင်းလျော်ညီစွာ တွေးခေါ်စဉ်းစားခြင်းထက် အပြစ်ကင်းသောကလေးများကို ပျော်ရွှင်မှုအတွက် နှိပ်စက်သည်ဟူသော ပုံရိပ်ကြောင့် ဖြစ်ပေါ်လာသော စိတ်ခံစားမှုသည် နားထောင်သူပရိတ်သတ်အား လွှမ်းမိုးသွားသည်။ ဤငြင်းခုံမှုသည် အမှန်တရားနှင့် အမှားရှိသည်ဟူသော အဆိုအကြောင်းကို ကောင်းမွန်စွာ ရှင်းလင်းနိုင်ခြင်း မရှိပါ။)

 

the fallacy fallacy.png

ယုတ္တိအမှားပေါ်က ယုတ္တိအမှား (The Fallacy Fallacy)

အဆိုတစ်ခုကို မှားယွင်းစွာ ငြင်းခုံသောကြောင့် သို့မဟုတ် ယုတ္တိအမှားသုံးထားသောကြောင့် ထိုအဆိုကိုယ်တိုင် မှားယွင်းသည်ဟု ယူဆခြင်း

အဆိုတစ်ခုနှင့်ပတ်သက်၍ တစ်ဖက်မှ မှန်ကန်ကြောင်း ငြင်းခုံသည့်အခါ ယုတ္တိအမှားဖြစ်သွားသော်လည်း ထိုအဆို၏ မှန်ကန်မှု သို့မဟုတ် မှားယွင်းမှုကို မထိခိုက်ပါ။ ငြင်းခုံမှုသည် ငြင်းခုံသူနှင့်သာ သက်ဆိုင်သည်။

ဥပမာ

အာဟာရ ပညာရှင်မှ ပြောသဖြင့် အသီးအရွက်စားလျှင် ကျန်းမာရေးကောင်းမွန်သည်ဟူသော ငြင်းခုံမှုတွင် ယုတ္တိအမှားကို ကျူးလွန်ထားသည်။ ထို့ကြောင့် အသားငါးများကိုသာ နေ့တိုင်းစားသင့်သည်။

(ငြင်းခုံသူမှ ယုတ္တိအမှားသုံးထားသော်လည်း ၄င်းငြင်းခုံသည့်ဘက်သည် မှားယွင်းသည်ဟု ယတိပြတ် မပြောနိုင်ပါ။)

 

slippery slope.png

ကုန်းလျှောဆင်းခြင်း (Slippery Slope)

A ကိုဖြစ်စေရန် ခွင့်ပြုလိုက်ပါက Z သည်လည်း တဖြည်းဖြည်း ဖြစ်လာလိမ့်မည်။ ထို့ကြောင့် A မဖြစ်သင့်ပါ။

ဤကျိုးကြောင်းဆီလျော်ခြင်း၏ အားနည်းချက်မှာ လက်ရှိ ပြဿနာကို ဖြေရှင်းရန် ရှောင်လွှဲပြီး အလွန်အကျူး ဆွဲဆန့်ထားသည့် စိတ်ကူး အနုမာန ခန့်မှန်းချက်များထံ အာရုံစိုက်စေရန် လုပ်ဆောင်ထားသည်။ များသောအားဖြင့် ထိုစိတ်ကူး အနုမာန ခန့်မှန်းချက်များသည် လူအများကြောက်ရွံစေရန် ရည်ရွယ်၍ ဖြစ်လာနိုင်သည့် အကျိုးဆက်များကို ချဲ့ကားထားခြင်းဖြစ်သည်။

ဥပမာ

ပြည့်တန်ဆာ ဥပဒေကို ခွင့်ပြုလိုက်ပြီး ပြည့်တန်ဆာများကို ဖမ်းဆီးခြင်းမရှိတော့ပါက ပြည့်တန်ဆာဦးရေ တိုးပွားလာမည်။ ထိုသို့တိုးပွားလာပါက မြန်မာနိုင်ငံ၏ အမျိုးသမီးများအားလုံး ငွေရပေါက်လွယ်သည့် ပြည့်တန်ဆာလုပ်ငန်းကို လုပ်ကိုင်လာကြမည်ဖြစ်ပြီး လူမျိုးပါ ပျက်သုန်းကုန်မည်ဖြစ်သည်။

(ပြည့်တန်ဆာ ဥပဒေကို ခွင့်ပြုလိုက်ယုံနှင့် အမျိုးသမီးများအားလုံး ပြည့်တန်ဆာလုပ်ငန်း လုပ်ကိုင်မည်ဆိုသည့် အချက်မှာ အလွန်အကျူး ဆွဲဆန့်ထားသည့် စိတ်ကူး ခန့်မှန်းချက်သာဖြစ်သည်။)

 

ad hominem.png

ပုဂ္ဂိုလ်ရေးတိုက်ခိုက်ခြင်း (Ad Hominem)

၎င်းတို့၏ အငြင်းအခုံကို ငြင်းဆန်ရန် ကြိုးစားရာ၌ ပြိုင်ဘက်၏ အကျင့်စရိုက် သို့မဟုတ် ပုဂ္ဂိုလ်ရေးပိုင်းကို တိုက်ခိုက်ခြင်း

ပုဂ္ဂိုလ်ရေးတိုက်ခိုက်ခြင်းကြောင့် လူတစ်ဦး၏ အကျင့်စရိုက် သို့မဟုတ် ပုဂ္ဂိုလ်ရေးဆိုင်ရာ အမူအကျင့်များကို သံသယဝင်စေပြီး ၄င်းတို့၏ အငြင်းအခုံကို ယုံကြည်မှုကင်းမဲ့သွားအောင် လုပ်ခြင်းဖြစ်သည်။

ဥပမာ

ပိုမိုသာတူညီမျှသည့် အခွန်ကောက်ခံစနစ်ကို ကျင့်သုံးသင့်ပြီး လူချမ်းသာများထံမှ ရာခိုင်နှုန်းတိုး၍ ကောက်ခံသင့်ကြောင်း ကိုအေးချမ်းမှ ပြောဆိုသည့်အခါ တစ်ဖက်မှငြင်းသည့် ကိုချမ်းအေးက ဤသို့ပြောသည်မှာ ကိုအေးချမ်းသည် ဝင်ငွေနည်းပါးသူတစ်ဦးဖြစ်သောကြောင့်သာ ပြောခြင်းဖြစ်ကြောင်း၊ ကိုအေးချမ်းသာ လူချမ်းသာတစ်ဦးဖြစ်ပါက ထိုသို့ ပြောမည်မဟုတ်ကြောင်း၊ ထို့အပြင် ကိုအေးချမ်းသည် ငယ်စဉ်က မိန်းမရှုပ်ပွေသူဖြစ်သောကြောင့် ၄င်း၏ စကားကို မယုံထိုက်ကြောင်းပြောသည်။

(လူတစ်ဦး၏ အကျင့်စာရိတ္တ၊ ဘဝနောက်ခံအခြေအနေသည် ထိုသူ၏ ပြောစကားကိုမထိခိုက်ပါ။ တစ်နည်းအားဖြင့်ဆိုသော် ပြောသူမှာ နိုင်ငံခေါင်းဆောင်ဖြစ်သောကြောင့် ထိုသူ၏ ပြောစကား မှန်ကန်မသွားသလို အလုပ်ကြမ်းသမားဖြစ်သောကြောင့် ထိုသူ၏ ပြောစကား မှားယွင်းမသွားပါ။ အကြံဥာဏ်၊ အငြင်းအခုံ၊ ပြောစကားစသည်တို့ကို ဓိမ္မဓိဌာန်ကျကျ သုံးသပ်မှသာ ကျိုးကြောင်းဆီလျော်မည်ဖြစ်ပါသည်။)

 

Ref: https://yourlogicalfallacyis.com/

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s